მონატრებულ ბიჭებზე თქმული

სულს უჰაერო გიხუთავთ ღამე, _

ხმაში, (ო, ღმერთო!) გემჩნევათ ბზარი...

_ `საქართველოზე გვითხარით რამე!~ _

ემუდარებით ჩამოსულ მგზავრებს!..

ეჰ, გულზე ცეცხლი შემომეკიდა _

ყრუდ ამოგდება თქვენი ხმა ზემოთ...

ადრე წასულნო ამა ქვეყნიდან და ჩემთვის მაინც ცოცხალო ძმებო!..

არსთა განმრიგე ვის და რას ჰკითხავს,

მაგრამ... ყოფნა რომ შევსთხოვო დიდხანს,

ვთქვათ და _ მისმინოს მაღალმა ღმერთმა

და მათუსალის მიბოძოს ბედი, _

მომენატრება

შეხვედრა

თქვენთან

და... რა მიშველის... სიკვდილის მეტი...