ინჯია ჯემალ
გაზიარება

გორი 

მეგრულ მაყრულის,
ძველი არმაზის მწუხრი ვიწამე,
მაგრამ გორი მყავს მე გულნაკლული
და ამ ცოდვილ თავს ვუხრი მიწამდე.
მე არ მახსოვდა გორიჯვრის ფერდი,
როცა დარიალს ვუქებდი ექოს.
ღრუბლებზე ვწერდი. . .
წვიმაზე ვწერდი,
რა დამიშავე ქართლელო გლეხო?!
რად დავივიწყე შენი კილოი,
აბა რით არის სათაკილოი?!
ბევრჯერ ჩემ თვალწინ დადგა მთაწმინდა
და გორის ციხე სად გადამცილდა.
მე შემიქია
ზღვების
სტიქია,
ვეტრფოდი მარტო ტალღების ტორტმანს
და ეს კი დიდი სისასტიკეა,
შენდამი,
ჩემო პატარა ტორტლავ.
მე ქება მითქვამს
მეგრულ მაყრულის,
ძველი არმაზის მწუხრი ვიწამე,
მაგრამ გორი მყავს მე გულნაკლული
და ამ ცოდვილ თავს ვუხრი მიწამდე.

??????