ჯინჭარაძე იური
გაზიარება

სიყვარულიდან სიყვარულისკენ ექსკლიუზივი

დაფარულია ველი ყვავილით,
თავაწეული დავალ მდელოზე
და სიცივე თუ ტანში დამივლის,
სითბოს მანიჭებს საქართველოს მზე.
დაუბერიათ კვირტებს ლოყები,
სულშიც ფერები დგას ყვავილებად,
სიმღერით ქართლის ველებს მოვყვები
და სანამ გული გადაირევა
მაცალეთ, საფრენ სივრცეს გავხედავ
(ძალის მოკრება ახლა მჭირდება),
გულს ტრფობის კვესზე დავდებ აბედად
და ლექსს ჩამოვკრავ ასაკიდებლად...
ჩაგორდება რა ხევში უვნებლად
მთვარე, მთებმა რომ ხელი უბიძგეს,
გავსწევ სიმღერით დაუსრულებლად –
სიყვარულიდან სიყვარულისკენ.

??????