ძერწვის გაკვეთილები /ვერლენისეული `მუსიკა უპირველეს ყოვლისას~ ფონზე/ ^{ექსკლიუზივი}

თენგიზ კიკალიშვილს

სიცარიელის შესამოსავად

ისევ არ მყოფნის სიტყვა _ ქსოვილი,

რადგანაც ძილშიც პატიოსანი

პოეტი, ლოთი, თანაც ლტოლვილი _

ამა ქვეყნისა სიამეთაგან,

თუნდაც თვით `ქვეყნის ძლიერთა~ მიღმაც

შეძრწუნებული ვუმზერდი საგანს,

ნივთს, ადამიანს, საქმეს თუ თიხას,

რაც დიდხანს ძერწა, ვერ გამოძერწა

აქ: `ხატად თვისად~ უზენაესმა

დატოვა: რა ქნას სტრიქონმა _ ბერწმა,

თუ ჩემი ძვლების არც ესმის კვნესა?!.