ჩემი ნაძვებიანი სკვერის ჩიტი, რომელსაც რიჟრაჟი შემოჰყავს ^{ექსკლიუზივი}

როგორც კი წარმოვთქვამ

` ... ვითარცა ცათა შინა...~,

მაშინვე ძახილის ნიშნად ჩაერთვება

რიჟრაჟის პაწია ჩიტის ამოსტვენა

და გაჰყვება ხოლმე

`ქვეყანასა ზედა~-ს

და ჩემს ყურს გაიყოლებს დაბურულ ნაძვში,

ყურს, რომელსაც წარმოსახვაც მიჰყვება,

და იქ დაიტოვებს

`ნუ შემიყვან ჩუენ განსაცდელსა~-ს მანძილზე

და ძლივს გამოუშვებს `ამინ~- ისთვის

ეს პატარა ყურთამპყრობელი.