ჩემი შვილი უნდა დაიბადოს ექსკლიუზივი
ახლა ეს ოცნება ამიყვავდა,
მთელი სამყარო ვარდებით დაიბარდოს,
გაწმინდეთ დედამიწა ეკლებისგან:
ჩემი შვილი უნდა დაიბადოს!
ციდან მხოლოდ სითბო მოდიოდეს,
მიწა მზის სხივთა ფარდებით დაიფაროს,
დამალეთ დედამიწა ყინვისაგან –
ჩემი შვილი უნდა დაიბადოს!
ომი სიზმრიდანაც ამოვშალოთ,
ბომბების ნაცვლად ღიმილი დაიბანდოს,
იხსენით დედამიწა შიშისაგან –
ჩემი შვილი უნდა დაიბადოს!
არცა ოკეანე, არცა ზეცა
ავი ხელებით არასდროს დაიბლანდოს,
სიკეთის მალამო წაუსვით ჭრილობებზე –
ჩემი შვილი უნდა დაიბადოს!
ნეტა ეს სიმღერა მტრედად მექცეს,
როგორც იმედი ამქვეყნად დაიფანტოს,
მორთეთ დედამიწა საზეიმოდ –
ჩემი შვილი უნდა დაიბადოს!
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru