ფული ექსკლიუზივი
დასაბამიდან მითი ხარ,
სახელად გქვია ფული,
ვისთვის სახარჯო ნივთი ხარ,
ვისთვის სული და გული.
წყალობ, ვინც შენს ბედს გაუგებს,
სიტყვას შენ ამბობ სეფეს,
მონას სასახლეს აუგებ,
ქოხს მოანატრებ მეფეს.
მჭირდები შავი დღისათვის,
ნატვრით არასდროს გნატრობ,
თუმც კაცის გაცნობისათვის,
ფულო, ძვირფასო,
გმადლობ!
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru