C.V. ექსკლიუზივი
მე დავიბადე, ვაგრძელებ სუნთქვას...
და გადახლართულ ლაბირინთებში
ვუსმენ და ვიცი ფოთოლს რაც უთქვამს;
და თუ მომთხოვენ, გავირინდები.
მე გავიზარდე, ვაგრძელებ სირბილს...
და ხელებს ვიწვდენ მზისკენ და ცისკენ.
ვხედავ, მომწყდარი ვარსკვლავი მიჰქრის;
და როცა მთხოვენ, ჩუმად ვარ ისევ.
მე ჩემს წლებს ვუსწრებ, ვჩერდები უცებ...
ვგრძნობ, მაჩუმებენ სულ, გამუდმებით.
როცა ფოთოლი ვარსკვლავებს უცქერს,
ნუღარ მომთხოვენ, ვერ გავჩუმდები.
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru