პარანოია-1
ხ. ლ. ბორხესი
საღამოვდება.
ინთებიან ლიმონივით ნათურები.
მერამდენედ გაურბის ცოლი
რომელიც უყვარდა;
მეზობლის ქალს შესჩივლა მუდარით -
ქინძისთავებით მჩხვლეტსო ღამღამობით.
არაყდაულეველი, მშვიდი ქმარი;
თურმე მთელი თვე დასდევდა ჩუმად,
ეგონა, ცოლი მღალატობსო.
ერთხელაც, გარეთ გამოაგდო
ქალი - ნამუსახდილი კუნეგონდა,
რომელიც ტიროდა.
დაიბნა უბნის პოლიციელი,
ვერაფერი უშველეს მაინც.
ღამეს ღამურები ჰკიდია იღლიებქვეშ:
თავს გაქცევით უნდა უშველოს
ლამაზმა ცოლმა -
ყმაწვილქალობაში ნაჭრებს რომ იტენიდა
ბიუსტჰალტერში.
დილით ერთად შესანსლეს საუზმე
და გაიყარნენ.
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru