მეტროს ნიავი
უბერავდა მეტროს ნიავი,
მეტროს ნიავი
ზანტად და მძიმედ მოშრიალებდა
ღამენათევი, თავქარიანი ქალბატონივით.
მეტროს ნიავი იყო დუბელა
მდინარესავით,
ზაფხულობით რომ სოფლის ქალები
ტანგაუხდელად ჭყუმპალაობენ.
ჭრელ-ჭრულა იყო მეტროს ნიავი,
როგორც იმ ქალთა
სხეულის სითბოს მიტმასნილი სველი სამოსი.
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru