* * * ქალო
სისულელეა, მე რომ შენით
დასნეულება ვმალო.
აყირავებულ ცხოვრებას ვცვეთ,
მიმიზეზდები, ვწვალობ.
გავოგნებულვარ,
რარიგად შვენი
დანახშირებულ ფიქრთ, გაცამტვერებულ სვეთ,
გაჩანაგებულ არსთ!
წარმომდგომიხარ, სენი,
საოცრებათა მჩენი,
და, მზედ
დაგორებულმა,
გაუმაგრებელ გულს შემოუმტვრიე ბჭენი,
გადაუარე ზედ.
2007
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru