გაზიარება

* * * მძიმეა ხვედრი ტყვექმნილისა (მთარგმნელი: ჯემალ აჯიაშვილი)

მძიმეა ხვედრი ტყვექმნილისა, სულისთვის - ორწილ...
და რაკი სულმა დაითმინა ხორცის ტყვეობა,
გახარებს სათნო ანგელოსის მეურვეობა -
ზეიმ და ზეიმ, თავო ჩემო ქორწილ და ქორწილ.

სიბნელე სულით დაიძლევა, სინათლე - ხორცით
და სწორედ ამად, - სინათლესთან რომ არ მეომა, -
შენ შეგავედრე ზენაარის კეთილმძლეობა -
ტკივილ და ტკივილ, სულო ჩემო, ბორძიკ და ბორძიკ.

ვიცი, წახვალ და სხივმოსილი თანვე წამიტან,
მეც შენთან ერთად გავურბივარ დასაბამიდან
ხორციელების ქედმაღლობას, სიცილს და ქირქილს.

შენა ხარ სიბრძნე განგებისი, ნიჭი გრძნეული,
მშვენიერების გაცხადება ქვეშეცნეული, -
და შენგნით ვისთვლით მსოფლიონი სამყაროს გვირგვინს...