გაზიარება

თესლბრუნვა (მთარგმნელი: მიხეილ ქვლივიძე)

სული - არსება ჩემი - ისევე, როგორც ნიადაგი,
თესლბრუნვას
საჭიროებს.

ჭარხლის შემდეგ - ჭვავი ითესება, მიწის წიაღიდან პაწია
მწვანე
შადრევნებად ამოხეთქილი.

მერე დრო დგება, როცა მუხუდო, ცერცვი ან სამყურა უნდა
დაითესოს.

ზოგჯერ როიალზე დაკვრა მომინდება, ზოგჯერ - ნავით
გასეირნება,

ასევე - თავის დროზე - შენი წერილის წაკითხვა
ან შენი მოფერება მომინდება, ან წითელი ვაშლის ჩაკბეჩა,
ან სადმე

შორს გამგზავრება...