შავი პიერო (მთარგმნელი: შოთა იათაშვილი)
მას არ ვუყვარვარ,
და მე ღამეში შევიპარე
და ღამე იყო ჩემსავით შავი.
შავი პიერო ვარ:
მას არ ვუყვარვარ,
და მე ვტიროდი, სანამ რიჟრაჟი
აღმოსავლეთით გორაკებს სისხლად არ დაეწვეთა
და სისხლისაგან იცლებოდა ეს ჩემი გულიც.
შავი პიერო ვარ:
მას არ ვუყვარვარ,
და დაჩუტულ ბუშტს დამსგავსებული,
მხიარული ოდესღაც სულით,
დილაადრიან გზას გავუდექი
ახალი მუქი სიყვარულის მოსანახავად.
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru