ვედრება მეტივეთა შვილებისა
დუდუნით მოიმღერიან,
გროვად პატარა ბიჭები
სერიდან გადმოსცქერიან.
გაფაციცებით უმზერენ
თავქვე მიმავალ ტივებსა,
შორს აყოლებენ, ძაან შორს
ცინცხალა თვალის სხივებსა.
- მტკვარო, ნუ ღელავ! ქარო, შენც
გრიალი დაიდუნეო,
მამები მშვიდობიანად
დროზე შინ დაგვიბრუნეო.
გვისმინეთ თხოვნა-ვედრება
მამის პატარა შვილებსო,
თქვენი ღელვა და ზუზუნი
მშობლებს ნუ აგვატირებსო!
1886 წ..
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru