Warning: mysql_connect() [function.mysql-connect]: Access denied for user 'litklubi'@'localhost' (using password: YES) in /home/litklubi/domains/litklubi.ge/public_html/biblioteka/blocks/litconfig.php on line 2

Warning: mysql_select_db(): supplied argument is not a valid MySQL-Link resource in /home/litklubi/domains/litklubi.ge/public_html/biblioteka/blocks/litconfig.php on line 3

Warning: mysql_query(): supplied argument is not a valid MySQL-Link resource in /home/litklubi/domains/litklubi.ge/public_html/biblioteka/blocks/litconfig.php on line 6

Warning: mysql_fetch_array(): supplied argument is not a valid MySQL result resource in /home/litklubi/domains/litklubi.ge/public_html/biblioteka/blocks/litconfig.php on line 7

ვაჟა–ფშაველა
გაზიარება

პასუხად 

(განდეგილს და შიო მღვიმელს)

კარგებო, თქვენი ძახილი 
ბარით შამესმა მთაშია, 
ფეხის ფრჩხილებში გაჟონა 
ჟრჟოლამ, დაკრულმა თავშია; 
ძვირფასს მაუწყებთ ამბავსა, 
ჩამოვარდნილსა ხალხშია: 
“გაუმთელდაო წყლულები 
არწივს, დაკოდილს მხარშია”. 
დაუფანტია ფრინველნი 
მომაგრებულსა მკლავშია, 
რომ დაჰსეოდენ უმსგავსნი 
ღალატით დაჭრილს გზაშია. 
“უჭირველივით ყაშყაშებს, 
ცხადად ვცანითო ხმაშია.” 
უკეთესს ვინ რას მახარებს, 
თქვენ გენაცვალეთ თქმაშია! 
აგავსეთ ია-ვარდითა, 
დაბერდით იმის თვლაშია! 
სწყავდეთ და ვერ უდიოდეთ, 
ოფლი გდიოდესთ წყვაშია! 
ისე სცურავდეთ კეთილში, 
ვით კოვზის პირი ზღვაშია! 
ერთი ათასად გარდვიქე 
მხედველობაში, ჯანშია: 
ყორნის ფრთა-ბოლოდ ქცეულა 
თეთრი, ნარევი თმაშია, 
მოხუცი კაცი ჯეილად 
ჩავუწერივარ ცაშია. 
აწ გლოვა აღარ მჭირდება, 
აღარც დამალვა სახლშია. 
ერთი რამე მაქვ სათქმელი, 
იქნებ დაგიჯდეთ ჭკვაშია: 
მკერდში არავინ დაგვიჭრას 
გმირი, დაჭრილი მხარშია 
და დღეს კი გამოჩენილი; 
ჭკვა მოვიგროვოთ თავშია, 
არ გადამექცეს არმადა 
სიცოცხლე მთა და ბარშია. 

??????