* * * ფარული ტკივილი დიდია ექსკლიუზივი
ღამეა. თენდება ნელა.
მზიანი დღეები მიდიან,
ჩემგანაც წავიდა ყველა.
ჯვარივით მძიმეა იღბალი
ჯვარცმულმა ვიფიქრო რაზე:
გზაზეა მძვინვარე გრიგალი,
ძლიერი ღელვაა ზღვაზე.
გამდნარი თოვლია ქედებზე
(ნუგეში მინდოდა შენგან.)
ძნელია ამაოდ გეძებდე,
ამაოდ გნატრობდე ყველგან.
ფარული ტკივილი დიდია,
ღამეა. თენდება ნელა.
მზიანი დღეები მიდიან,
ჩემგანაც წავიდა ყველა.
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru