* * * ჯვარს გაცვეს გუშინწინ, გუშინაც
შენ დღესაც გაცვამენ ჯვარზე...
დევნიდი ბოროტ სულს, უჩინარს,
არც ცრემლი შემშრალა თვალზე!
გრძნობ: ტანჯვით მიდიხარ სოფლიდან,
კვლავ ნისლი ჩამოწვა მთებზე...
შენ შენი ვარამი გყოფნიდა,
თან მუდამ ფიქრობდი სხვებზე!
რატომღაც არა გაქვს შენდობა,
ღრმა ტკივილს გულშივე მალავ...
რას იზამ: ბედია ეტყობა,
თავს ზემოთ არაა ძალა!
დევნიდი ბოროტ სულს, უჩინარს,
არც ცრემლი შემშრალა თვალზე...
ჯვარს გაცვეს გუშინწინ, გუშინაც,
შენ დღესვე გაცვამენ ჯვარზე!
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru