ფიქრები სამშობლოზე
ნავთსადგური დიდი, ვრცელი,
ტვირთებს ზიდავს კაცი-მონა.
შორს გაჰყურებს ზღვას მარსელი
და ისტუმრებს გემებს რონა.
გამახსენდა! დაბადება -
განთიადით შუქს აპკურებს,
სხვა ახალი ემატება
ჩვენი ქვეყნის ნავთსადგურებს.
სიყვითლით და დაობებით,
რომ ბორგავდა წინად ფოთი,
შრება ძველი ჭაობები
და რიონის ცხრება შფოთი.
ცხრება მისი მავნე შფოთი,
გადალეკვა ვეღარ ართობს -
გასჭრეს სულ სხვა კალაპოტი
ძველი - უვრცესს სტოვებს ფართობს.
სად ხვდებოდენ: ზღვა ძლიერი
და რიონი მედიდური,
მშვენიერზე მშვენიერი
დაფუძნდება ნავთსადგური.
აქ კი სიღატაკე ვრცელი...
ტვირთებს ზიდავს კაცი - მონა.
შორს გაჰყურებს ზღვას მარსელი
და ისტუმრებს გემებს რონა.
1935
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru