ეგზოტიკური ლექსი"
ეცეკვებიან თითები ფურცელს,
უცნობი ქუჩის სილამაზეა,
თითქოს, საკუთარ კინო-ფირს უმზერს,
სულგანაბული ზის ფანტაზია.
მხურვალე სიო აღელვებს შროშანს,
მოზაიკების ეგზოტიკაა,
უფრო შორს, მთების კუზები მოსჩანს,
უდაბნოდან რომ ოაზისს ჰგვანან.
ჭაობისფერი პალმების ჩრდილქვეშ
მე ფოტო-კადრებს ვაგროვებ მზისთვის,
შენ გამჭვირვალე სურვილებს მიშენ,
საღამოს ხიბლი ერევა გზისპირს.
დგახარ, თვალების ალით მიზიდავ,
გიახლოვდები, რახან ასეა...
ღრუბელს ჩასთვლიმა მთვარის ქიმზე და
ჩილიმის ნისლში ჩაწვა აზია.
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru