Warning: mysql_connect() [function.mysql-connect]: Access denied for user 'litklubi'@'localhost' (using password: YES) in /home/litklubi/domains/litklubi.ge/public_html/biblioteka/blocks/litconfig.php on line 2

Warning: mysql_select_db(): supplied argument is not a valid MySQL-Link resource in /home/litklubi/domains/litklubi.ge/public_html/biblioteka/blocks/litconfig.php on line 3

Warning: mysql_query(): supplied argument is not a valid MySQL-Link resource in /home/litklubi/domains/litklubi.ge/public_html/biblioteka/blocks/litconfig.php on line 6

Warning: mysql_fetch_array(): supplied argument is not a valid MySQL result resource in /home/litklubi/domains/litklubi.ge/public_html/biblioteka/blocks/litconfig.php on line 7

ღლონტი ვახტანგ
გაზიარება

* * * "ერთობა უღმერთობა" 

ერთობა უღმერთობა რითმასთან თამაშით,
ჯვარცმულთან ერთობაც მისთვის თამაშია.
გახედავ, - უბრწყინავს იაფი ალმასი,
დედას ბიჭია და ვითომც მამასია.
მამა მალვაშია, და ციდან მალიმალ
ღრუბლის მელან-ქოლიებით ბარათებს
წერსა და აგზავნის, კალამთან - „კალიმა”
ვინც უკვე გარითმა, მაღლის ფრთა ჰფარავდეს.
ქვემოთ კი ვინ ახსნას ციერთა ლურსმული
თვალში და სულში რომ წყალ-ობად ესობა.
ასე ბრმად, ასე ყრუდ სანამდე ვუსმინოთ
ხმასველი მაშველის უზენაესობას.
სანამდე „და სხვა” და უჩინო სქოლიო,
მიწაზე ცა გვინდა, ციდან კი ვინ იცის;
მამა სტუმრობაზე კვლავ დავიყოლიოთ
და აღდგეს შერცხვენილ შვილების იმიჯიც.
მაგრამ თუ, ვაი თუ, ისე ვით პირველად
აღმოვჩნდეთ სხვადასხვა - ჩვენა და იგინი.
ჯვარი და ლურსმანი აკადროს მწირველმა,
ძმრიანი ღრუბელი და ეკლის გვირგვინი.
ე მაშინ იკითხე, მკითხველო, ე მაშინ
ცეცხლით და მახვილით ცა ფეხად ჩამოვა.
ვინ შემომიტყუა გეთსიმანიაში,
სად კოცნით ჰკლავენ და მუდამ საღამოა.
ღამდება, ღამდება, ღამდება ჯიუტად,
იძინებს ლექსი და იღვიძებს რეფრენი -
„უფალო, აცხოვნე ჯერ ჩემი იუდა,
მერე მეც, ისე ვით ვცხოვრობ და შემფერის”.

??????