წვიმაში მოხვედრილი
არ მეგულები, არ მიხარიხარ,
მოდის მდინარე, დამდორებული...
პრიალებს ხიდზე რკინის ხარიხა,
მივყვები, ბედთან დამდურებული.
აღმა და დაღმა დამღლის ხატება,
ვარ შენი დარდის დამტარებელი,
ტუჩზე ღიმილი არ გეხატება,
ჩემი ღრუბლების გამდარებელი.
სიჩუმეს, მტანჯველს, დრო გაეყინა –
ჩემი დამფლეთი, ამტირებელი,
იწვა, იცდიდა ჭრელი ქვეყანა –
აღმართზე ჩემი ამტარებელი,
ცის პატრონს თვალში ცრემლი ეყენა –
ზაფხულის გამაზამთარებელი.
საიტის "ექსკლიუზიური" მასალის გამოყენებისას აუცილებლად მიუთითეთ საიტის ლინკი!
სავტორო უფლებების დარღვევის შემჩნევის შემთხვევაში გთხოვთ დაუკავშირდით საიტის ადმინისტრაციას! litklubi@mail.ru