*** "კმარა" ^{ექსკლიუზივი}

კმარა, ულისევ, ნუღა ფიქრობ შენს ითაკაზე, _

ქარს გაატანე ძველი ხსოვნა წყალთა, მდელოთა,

სადაც ოდესღაც მშობლიური კერა გელოდა, _

კმარა, ულისევ, ნუღა ფიქრობ შენს ითაკაზე.დათმე წარსული, _ ალამდრობა და სითავკაცე, _

კვლავაც მოგელის ცისკრის ბრწყინვა, მწუხრის ბნელობა

და ეზოს ჩრდილში მოთმინებას ქსოვს პენელოპა, _

ნუ ფიქრობ, ძმაო, კვლავ ნუ ფიქრობ ძველ ითაკაზე.

ტოკავს თავი და შესართავი, ბრუნავს დრო-ჟამი

და ტროას კართან გელოდება სპა აბჯროსანი;

ხსოვნის ფურცლები აქერონის ქარმა დახია,

მაგრამ ჩვენს გზებზეც იგივ ნგრევა და პარტახია

და ისევ მოაქვთ ჰექტორისთვის ცინკის საკაცე, _

კმარა, ულისევ, ნუღა ფიქრობ შენს ითაკაზე...