გაზიარება

ჩემი ბედნიერება

რა სჭირდება ჩემს ბედნიერებას?
ერთი მაგარტარიანი ცოცხი,
პრიალა ქვაბი და თავის სიცარიელე,
რომ შიგ ტვინმა იხრიგინოს,
როცა უარის ნიშნად თავს ვაქიცინებ.
თანხმობა იმდენჯერ ვთქვი,
რომ ჩემი სახლი გაივსო
ყველა ჯურის სატყუარით:
ზოგს შვილი ჰქვია, სხვას - წიგნი,
კიდევ - ხარახურები.
და მე მათ წრეში მოქცეული -
ცოცხით ხელში, ქვაბით თავზე
ვოინბაზობ, თუმცა ძნელია.
შიგადაშიგ, თუ ტაშს მიკრავენ,
ბედნიერი ვარ.